Սեւանա լճի ափից 200 մետր հեռավորության վրա սկուտեր է շրջվել.

Հուլիսի 30-ին, ժամը 16:50-ին Ճգնաժամային կառավարման ազգային կենտրոն տեղեկություն է ստացվել, որ Սեւանա լճի N1 հանրային լողափում հերթապահություն իրականացնելիս ջրափրկարարները նկատել են, որ ափից մոտ 200 մետր հեռավորության վրա սկուտեր է շրջվել։ ԱԻՆ-ից տեղեկանում ենք, որ ջրափրկարարները քաղաքացի Ա․ Բ․-ին (ծնված 1982 թ․) եւ շրջված սկուտերը տեղափոխել են ափ․ տուժածներ չկան։